منتدى جنة الحسين (عليه السلام) الحسيني التخصصي


العودة   منتدى جنة الحسين (عليه السلام) الحسيني التخصصي > • المجلس الحسيني التخصصي: > منبر الأدب الحسيني

الملاحظات

منبر الأدب الحسيني كل ما قيل في الحسين (عليه السلام)، من أقوال بليغة، أو قصائد شعرية، أو مقاطع أدبية..

جديد المنتدى:          ابوذيـــــــــــــــــــــــــــــــات //((واراك)) (آخر مشاركة: خادم اهل البيت الحجار - الردود: 0 - الزيارات: 70 )           »          قصيدة حبيبي ياحسين ((أربعينيه)) (آخر مشاركة: خادم اهل البيت الحجار - الردود: 0 - الزيارات: 72 )           »          قصيدة في سيدتي ومولاتي أم البنين ع (آخر مشاركة: علي ابو عبد - الردود: 0 - الزيارات: 1 )           »          قصيدة بمناسبة وفاة أم البنين عليها السلام ((ياحيدر أجبر خاطرها)) (آخر مشاركة: خادم اهل البيت الحجار - الردود: 0 - الزيارات: 137 )           »          الشفق الأحمر (آخر مشاركة: الهاد - الردود: 9 - الزيارات: 5680 )           »          حروف اسم زينب (عليها السلام) (آخر مشاركة: خادم اهل البيت الحجار - الردود: 0 - الزيارات: 389 )           »          راح ارباي ـ لسان حال السيدة رباب مع الرضيع (آخر مشاركة: خادم اهل البيت الحجار - الردود: 0 - الزيارات: 388 )           »          الإمام الحسين (عليه السلام) والأديان (آخر مشاركة: خادم اهل البيت الحجار - الردود: 2 - الزيارات: 833 )           »          إمامي الذبيح (آخر مشاركة: خادم اهل البيت الحجار - الردود: 0 - الزيارات: 444 )           »          (يطير الطار) لسان حال السيّدة رباب مع ولدها عبد الله الرضيع (عليهما السلام) (آخر مشاركة: خادم اهل البيت الحجار - الردود: 0 - الزيارات: 481 )           »         


قصائد في رثاء ام البنين قريض وشعبي 03

منبر الأدب الحسيني

إضافة رد
 
أدوات الموضوع انواع عرض الموضوع
قديم 12/10/2009, 04:33 PM   #1
مملوك الحسين
كاتب حسيني
 
تاريخ التسجيل: Jul 2009
المشاركات: 48
معدل تقييم المستوى: 63
مملوك الحسين لا بأس به
قصائد في رثاء ام البنين قريض وشعبي 03



في حقِ
فاطمه الكِلابيه‏عليها السلام
ويلادي النِشامه
اِتعودون اِبسلامه
بيكم آنه مفتخره
وافوا الطاهره الزهره
اِتعودون‏اِبسلامه × × ×
آنه يا شُبّان أُمكم
يلربيتوا اِبوسط چبدي
اِبذلت كل حيلي وجهودي
واِبرباكم اَمل عندي
بيكم اِرد اِوفي الزچيّه
يل الوِلِد كل هذا گصدي
يا ما ليالي ساهرت
واِتعاب برباكم شِفت
من لبن طاهر رَضّعت
وعمري صار اِلكم يَولدي
كل ذيچ الليالي
مرسومه اِبخيالي
هذا اليوم اَنتظره
وافوا الطاهره الزهره
اِتعودون‏اِبسلامه × × ×
اِوصيَّه وصاني اِبوكم
حيدره حامي الحميّه
وآنه كل عمري نذرته
من اَجل هاي الوصيّه
ذُخر گال الوِلِد عندچ
والوفه بالغاضريه
ويلادي وِلد الغانمه
واِربات حمّاي الحمه
لحسين مهجة فاطمه
خلَّو وگفتكم سِويّه
حيدر وصَّه بيكم
وظل بالَه عليكم
صِحت وآنه مبتشره
وافوا الطاهره الزهره
اِتعودون‏اِبسلامه × × ×
يلولِد كل أُم حنينه
ثمره ترجه من سَهرها
واِنتو يا ثمرة دليلي
اِويا اِصبي عيني ونَظرها
آنه أُمكم يبعد اِمكم
الرَخُصَّتْ اِلكم عُمرها
يا ثُمر گلبي وطيبته
يا عَمَد بيتي وهيبته
اِنتو الدِليل ودگّته
كربله عدكم خُبرها
اَنخاكم يَولِدي
وافو اليوم عَهدي
لتخلوني بالحسره
وافوا الطاهره الزهره
اِتعودون‏اِبسلامه × × ×
اِنته يا عباس يبني
ساعِد حسين وعضيده
كفلت زينب واِنته اخوها
لا تخلّيها وحيده
اِعليك يا عباس اَملها
نفِّذ اِلها اِشما تِريده
اِنطاك اِبواليمّه العَلَم
وتكلّفت اَمر الحرم
ويَّه اِخوتَك اَهل الشيم
تعنوا لدروب البعيده
تحرسون العقيله
بهل السفره الطويله
عينوا زينب الكُبره
وافوا الطاهره الزهره
اِتعودون‏اِبسلامه × × ×
وي ضعنكم روحي راحت
يلوِلِد للغاضريَّه
لا خُبر منكم وصلني
وكثرة اِهمومي عليَّه
چنت اَتأمَّل ضعنكم
بالسلامه اِيرد اليّه
ظلّيت اَتاني اِعله الدرب
فراگ البنين اِشگد صعب
بالحسبه عايش هالگلب
اِونّته وَنَّه خفيَّه
عفتوني اِبعذابي
واِبلوعة مُصابي
اِعليَّه طالت السَفره
وافوا الطاهره الزهره
اِتعودون‏اِبسلامه
× × ×

النعي:

أُمكم آنه الهجرتوني
العِشت لوعات اِنتظاري
گلبي ما يهجع ونينه
بالحزن ليلي ونهاري
گمت اَنعاكم ونادي
ودمعي عالوجنات جاري
امّ البنين الاربعه‏صاحت اِبصوت‏الفاجعه‏گلبي هَجركم گطَّعه‏مادرت راحوا ضحايه
اِوافوا الزهره ابدماهم


أُم البنين‏عليها السلام تخاطب وِلْدَها
حسين ابن حامي الحمه
هذا مهجة فاطمه
وافوا امّه الشافعه
يا بنيني الأربعه
هذا مهجةفاطمه × × ×
هاي ام البنين الطاهره الحرّه
بولدها الأربعه هليوم مفتخره
طلعت للوداع ابلوعه وبحسره
توصّي كل ولدها ابمهجة الزهره
تِنادي والمدمع يصب
هذا سبّاح الگلب
شلون گلبي اِيودّعه
يا بنيني الأربعه
هذا مهجةفاطمه × × ×
يولدي ما اَوصّيكم بعد بحسين
اَعرفكم نشامه يا حماة الدين
للزهره اِبدماكم اَوفو هذا الدَينْ
انتو الشوف لعيوني واخوكم عين
اَربع اِنجوم وگمر
اِعليكم اِحنيت الظهر
هروش گلبي اِمگطّعه
يا بنيني الأربعه
هذا مهجةفاطمه × × ×
آنه اِمكم اوصّيكم يبعد أُمكم
حيدر عندي ولهاي الشدد ضمكم
انصروا حسين واتفدّو الأخو ابدمكم
اِبلسان التضحيه يا ولدي اَكلمكم
لو وصلتو الكربله
ضحّوا دون العايله
لا تظل متروّعه
يا بنيني الأربعه
هذا مهجةفاطمه × × ×
من طيبي رضعتوا الطِيبَه يا اَطياب
وربّاكم على الطيبات داحي الباب
هذا اليوم يوم التضحيه ينجاب
يرفعه راسي يلبيكم صرت اَنهاب
بيكم آنه هيبتي
وبالشدايد نخوتي
اِنتو شمسي الساطعه
يا بنيني الأربعه
هذا مهجةفاطمه × × ×
وصلو كربله ونَفذَو اوصيتْ اِمهُم
ولا بخلوا على ابن الطاهره ابدمهم
راح اِحسين ينعاهم يكلمهم
يدري ابوالده الطف كربله ظمهم
لجل سبط المصطفه
بالدمه صار الوفه
الجود منكم مَنبَعَه
يا بنيني الأربعه
هذا مهجةفاطمه × × ×
هاي ام البنين الضحّت الشبان
صارت مظرب الأمثال بالأحسان
جعفر والنشامه الرَجّو الميدان
عبداللَّه وابوبكر وگمر عدنان
دمعة الفرگه جرت
وبولدها ما درت
صاح صوت الفاجعه
يا بنيني الأربعه
هذا مهجةفاطمه × × ×


حنين أُم البنين‏عليها السلام
زرَعت الصَبر بدروبك
لَمَّن خَظَّر اورَّد
وما رديت يوليدي
وعنَّك كل خبر ما رَد
× × ×
كل غايب تگول الناس
حتماً يخلص اِغيابه
وحين اِلّي يهزّه الشوگ
يرجع يذكر اَحبابه
وگلبي الجيّة الغيّاب
وللملگه فتح بابه
لا چف اليدگ بابي
وطالت سفرة احبابي
يمته اتعود غيابي‏ليش الّي تريده الروح
عليّه يا خلگ اَبعد
× × ×
حصدني منجل الفَرگه
وصبري مو لِحتْ گاعه
ومركب حزني للطف سار
وطواني طويت اِشراعه
يا يوم الفَرَج يلفي
واشوف اَحبابي يا ساعه
يمته اِحبابي يلفوني
هم بيهم يبشروني
واشوف حسين بعيوني‏ابشوفتهم يزول الهم
ونيران الصبر تخمد
× × ×
مَرابِع عشرتي ويّاك
ارتوة من دمعة اَحزاني
وأيّامي اَصبحت جَدبَه
ومِمحِل صار بستاني
ليل اِنهار يوليدي
بيك ايسولف الساني
وجفني ما غمض لحظه
وگلبي اِبناره يتلظّه
محّد بالبُعد يرضه‏رضيت اِشلون من بعدك
عمري اِيضيع يتفرهد
× × ×
يل روح النبي روحك
فدوه اِتروح اِلك روحي
حبستك دمعه بعيوني
وحظنتك اَلم بجروحي
حنين الدوح احنّن ليك
ونوح الفاجده نوحي
يوليدي وحمام الدوح
تعلّم مني فن النوح
اداوي اجروح تدّي‏اجروح‏وبيت اَحزاني من همّي
اِنبنه يحسين واتشيّد
× × ×
ما ادري اَصبّر مَنْ
روحي لو عليلتكم
وعليلتكم ضناها الشوگ
تجري ادموع فركتكم
وكل لحظه اَدگ شوفي
وأسچ بدروب جيّتكم
اعله هالديدان يوميّه
عيوني شابحه اِربيه
سفرتك طالت اعليّه‏شبيدي يبني وشبيدك
دهري ودهرك اِتمرّد
وديعة فاطمه اِنته
وبگايه عمري واسنيني
فدوه اتروح الك روحي
وبنيني يا بعد عيني
يصير الموت حال وصار
حايل بينك وبيني
يا مهجة گلب فاطم
بس كونَك تِرد سالم
اَفديك اِبگمر هاشم‏وكل ولدي اِلك فدوه
والباري عَلَي يشهد
× × ×

أُم البنين‏عليها السلام
تخاطب ولدها الحسين‏عليه السلام
يا روحي روح الزهره
اِشما ضَحيّتْ آنه أمقصره
وبدم ولدي
وكلما عندي
اَكتب‏عهدي × × ×
يروح المصطفه وروح الزچيّه
خَذِتْ روحي او رحت للغاضريه
بگيت اَتجرّع اِبچاس المنيّه
صعب فگدك يبواليمه عليّه
بُعدك صوّب دلالي
وخيّب يحسين آمالي
دمعة وجدي
حُفرت خدّي
اَكتب‏عهدي × × ×
انتظرتك وانتظاري اِتعدّه الحدود
ييمه هم ترد سالم اِلّي اِردود
اَكل روحي الصَبُر واتنطّر اِتعود
يمن گلبي اويه گلبك يبني مشدود
خافن ما ترجع ليّه
وتظل اِعيوني اِربيّه
واَبقه اِبوحدي
ابجرحي اليدّي
اَكتب‏عهدي × × ×
الك كل لحظه يتكاثر حنيني
اِشوكت يا ساعه يوليدي تجيني
الك فده حياتي وكل بنيني
اَريدن للزچيه اَوفي ديني
لو كل شباني اَفديها
للزهره ما اوفيها
اَبذل جُهدي
شأملك اَهدي
اَكتب‏عهدي × × ×
ليل الّي يمرني ما اَنامه
اَفكر يمته ترجع بالسلامه
دليلي اِويه النَسِم يبعث غرامه
اِلك وحدك صبح يبني هِيامه
بَعدَك چا شلّي اِبعمري
بأمرك محتاره او اَمري
ومنين اَبدي
اِتصوَّب چبدي
اَكتب‏عهدي × × ×
لَون الكربله يوصل كتابي
عليَّه رد يبواليمّه جوابي
كِتَبْ عتبي اِلك دمع البِيابي
اِشوكت چفّك يدگ يوليدي بابي
ما اَنزع ثوب اَحزاني
الا وترجع شبّاني
وتَمّيتْ اَحدي
اِبشوگي اودّي
اَكتب‏عهدي × × ×
تِأخّر موعدك والهم چساني
وبگيت اِعله الدرب اَنظر وتاني
بعد فتره الخبر عنك اِجاني
ويريت الناعي من گبلك نعاني
خَبِرني اِبروح الهادي
ناديته او فدوه اولادي
اِسمع ردّي
لحسين اَفدي
اَكتب‏عهدي × × ×
ابنيني لا تخبّرني صفوا وين
اسألك عن اخوهم گرة العين
يگلها اعله الثره كلهم مطاعين
يحرّه ابكربله مذبوح الحسين
يَمّ البنين الحُرَّه
عفت احسين اعله الغبره
صِحتْ ابيدّي
لحفر لِحدي
اَكتب‏عهدي

أُم البنين‏عليها السلام
تخاطب بشر ابن حذلم
مساهره بليلي ونهاري
بالصبر طال انتظاري
يا بِشر گلبي فجعته
ينعه صوتك من سمعته
× × ×
ناعي المصيبة ابكل كتراَسمع هَضل أصواته‏وگلبي فزع گبل الجِدَم‏يتعثر ابخطوته‏يا بشر خبّرني أشجره‏ويجاوب ابدمعاته‏ايگلها اللَّه ايعظّم أجرچ
لو تنشديني اعله ولدچ
دمعي عالوجنه سفحته
ينعه صوتك من سمعته
× × ×
يا بشر بحسين أشحصل‏عن حالته خبّرني‏عن ولدي ما ريدن خبرجاوبني لتحيرني‏روحي اطشها اعله الدرب‏بس سالم أتبشرني
أبروحي أفديه او بنيني
بس عدل ريته يجيني
والصبر تدري جزعته
ينعه صوتك من سمعته
× × ×
ابعبّاس اخبرچ وأخوته‏وجعفر وعبداللَّه وعون‏وتگلّه ولدي الأربعةلحسين فدوه ايروحون‏كافي لون وحده رجع‏خلّي الوِلد ليرجعون‏هم ترد ذيچ الليالي
يبني ذكراك اعله بالي
كلشي من عمري أخذته
ينعه صوتك من سمعته
× × ×
أُم البنين الفاجده‏تناشده أبجمر المدمع‏اِحچيلي بحسين اِشسده‏يا بشر گلبي اِتگطّع‏جاوبها بلسان الدمع‏عالثره عفته اموزع‏ضامي عفته اعله الوطيّه
وسحگته اِخيول آل أُميه
باليسر مسبيّه اِخته
ينعه صوتك من سمعته
× × ×
من سمعت ابهذا الخبرما ظل‏بعد بيها احساس‏تلطم ابحرگة اعله الوجه‏تهيل التراب‏اعله‏الراس‏تنشد الوادم عالجره‏وشتجاوب أُم العبّاس‏لا تألموني ابنشدكم
لو أجاوب شرد اگلكم
آنه كل عِزّي فگدت
ينعه صوتك من سمعته
× × ×

يا گلبي كثّر ونّتك‏واِنعه الحسين اِبحرگه‏ما أدري شيصبرك بعدوادري طويله الفرگه‏لا سفره واحسب تنگضي‏واحسب‏أحساب‏الملگه‏داري وحشه امن الأحبّه
چني اَعيش ابدار غربه
تواسي ابواليمّه ابغربته
ينعه صوتك من سمعته
× × ×
باربع وِلِد لُمِّ الحسن‏والها وفيت اِعهودي‏منذوره للزهره الوِلِدوآنه الفديت اوجودي‏وافوا اِحسين ابكربله‏وبيهم نلت مگصودي‏فدوه لعيون الزچيّه
قدمت ولدي ضحيّه
لجل الحسين او محنته
ينعه صوتك من سمعته
× × ×

أُمّ البنين‏عليها السلام
بانتظار الحسين‏عليه السلام
يلرحتْ للغاضريّه
هَم تِرد سالم عليَّه
انتظر يبني تجيني
عالدرب مشبوحه عيني
هَم تِرد سالم‏عليَّه × × ×
يبني يوم الودعتني
واطلعت بأهلك مُهاجر
ما طبگ جفني ابغيابك
وما بُطل كَتْ النواظر
يلّي عفت اِديار جدّك
وارحلت صوب المخاطر
واتركت گلبي ابونينه
وظل عليك ايلوب حاير
والده اِو حگي‏امن اَعاتب
سفرتك طالت يغايب
اِلك يتكاثر حنيني
عالدرب مشبوحه عيني
هَم تِرد سالم‏عليَّه × × ×
وطن جدّك يبني عفته
واِسكنت بديار غُربه
وكل اَهل بيتك خذتهم
والگرايب والأحبّه
فرگة الأحباب تدري
اِشگد على المحبوب صعبه
عيون المفارگ حبيبه
تبگه مشبوحه اعله دربه
وانته اَعز من روحي تدري
فدوه الك يحسين عمري
لا تخليني ابونيني
عالدرب مشبوحه عيني
هَم تِرد سالم‏عليَّه × × ×
ساعه ساعه او لحظه لحظه
يبني آنه ابأنتظارك
وبمنازل آل هاشم
من أمر تفجعني دارك
خاليه اوحشه او مُظلِمه
وتشب حدر اضلوعي نارك
هم صدگ ترجع يغايب
واستچن يبني ابجوارك
ما دريت اشصار يبني
لا خبر مِنّك وصلني
اشحصل ما بينك او بيني
عالدرب مشبوحه عيني
هَم تِرد سالم‏عليَّه × × ×
ازرعت عيناي ابطريقك
واهجرت يحسين داري
امساهره وانطر قِدومك
ابلهفتي ليلي ونهاري
وين اتوجه وروحن
الياكتر يصبح مساري
انشد الركبان عنّك
وبالگلب مستعره ناري
من تأخر يبني وعدك
گمت افكّر خاف افگدك
اصفچ ايساري ابيميني
عالدرب مشبوحه عيني
هَم تِرد سالم‏عليَّه‏حيّرت فكري ابمغيبك
وغيبتك يحسين غيبه
يمته تتلاگه الحبايب
وكل محب يشكي الحبيبه
المعتني الأخطار لاچن
گلّي شيرجعه او يجيبه
مدري شيظملي زماني
يا رزيّه او يا مصيبه
يبني يا روح الزچيّه
اربعه انطيتك هديّه
فدوه الك روحي اوبنيني
عالدرب مشبوحه عيني
هَم تِرد سالم‏عليَّه × × ×
اربعه يبني امن اخوتك
اتعبت واشگيت ابرباهم
والدك وصاني بيهم
او هوَّه من طيبه سگاهم
الكربله گلّي اضخرتهم
وانه متبرعه ابدماهم
آنه اعرفهم نشامه
اوالدك يعرف وفاهم
للزچيّه انطيب ولدي
وارد اوفّي اوياها عهدي
وللوصي ارد اوفي ديني
عالدرب مشبوحه عيني
هَم تِرد سالم‏عليَّه × × ×
لون املك قابليه
الكربله چان اعتنيتك
وارد اشوفن وين صرتو
اوين حلّو اهل بيتك
جيّتك اَيسّتْ منها
او ما ظن اتعود الثنيتك
انخمش گلبي وگمت احسّب
وخفت لا تدنه منيتك
يبواليمّه او ريت دهري
گبل عُمرك گصف عمري
الاجل ريته يعتنيني
عالدرب مشبوحه عيني
هَم تِرد سالم‏عليَّه


أُم البنين مع الزهراعليهما السلام
أبدمه ولدي
أكتبت عهدي
أيازهرا
أيازهرا
× × ×
ربيت اويه الفضايل والسماحه
المجد من زغري مرتديه وشاحه
شجاعه او معرفه او جود او فصاحه
الوفه يا فاطمه لفني ابجناحه
ابعلي آني
ارتفع شاني
أيازهرا
أيازهرا
× × ×
أنه افحول العرب ولدتني أني
اصيله امعرّبه والعِز چساني
حليلة حيدره واتعلّه شاني
اعله وِلده طشرت حُبّي وحناني
صرت إلهم
مثل أُمهم
أيازهرا
أيازهرا
× × ×
ابنيني الأربعه نلت المعالي
او رباهم سهَّر اعيوني الليالي
صور اربع صور تغفه ابخيالي
بعدهم ما درو شنهو الجرالي
مشو عنّي
وكثر ونّي
أيازهرا
أيازهرا
× × ×
عشت بعد الولد ظيم او أذيّه
اوفيت ابهالعهد ويّه الزچيه
على افراش الأجل هاي المسيّه
وحيده او گرّبت ليّه المنيه
ردت يحظر
شبل حيدر
أيازهرا
أيازهرا
× × ×
عله افراش الأجل مشبوحه عيني
بأخير انفاسي واتنطّر بنيني
گضه نحبي ابأثر نوحي اونيني
اتحفر گبري ردت ولدي تجيني
تغسلني
او تچفّني
أيازهرا
أيازهرا
رِدِتْ لرض المدينه امن الشِريعه
يجي يدفنّي ابو اچفوف الگطيعه
على ادروبه بگت عيني طليعه
وانادي ابدمعتي او نار الفجيعه
منو العندي
ايحفر لحدي
أيازهرا
أيازهرا
× × ×
صحت وينك يبو فاضل يرجواي
تعال ابچفك او غمّضلي عيناي
يگلها يمّي اعذريني اعله بلواي
يساري امگطّعه او مگطوعه يمناي
انطفت عيني
اعذريني
أيازهرا
أيازهرا
× × ×



أدركني يا أباالفضل
مشبوحه عيني..الصوب الشريعه‏وأنه ادري يبني..اچفوفك گطيعه‏كل أُمنياتي
تحظر وفاتي
وأنه أدري يبني
اچفوفك گطيعه
× × ×
أنه أُمّك يبو فاضل يلب أحشاي
إگصد للمدينه ابغِيرتك عنّاي
لفت يبني منيتي وانگضت دنياي
عليه لحّگ وغمّض جفن عيناي
اَندب يعباس..من حگّي يبني‏بأخر الأنفاس..ريت اتحظرني‏اِسمع وصيتي
حانت منيتي
وأنه أدري يبني
اچفوفك گطيعه
× × ×
حظرني الموت واطلب يبني تحظرني
يبو اچفوف الگطيعه لا تخيّبني
بدموعك يبو فاضل تِغَسّلني
واريدن بيدك ابگبري تنزّلني
يوليدي ظنيت..تحظر مصابي‏بالامل ظليت..اِسمع عتابي‏اتكاثر حنيني
يمته تجيني
وأنه أدري يبني
اچفوفك گطيعه
× × ×
ربّيت وشگيت وچان كل فكري
احضه بالوصال أبشيبي وبكُبري
عندي اربع بنين وبيّه ما تدري
أنطوت صفحه حياتي وهالگضه عمري
محّد لفاني..وأسبل اديّه‏آيا زماني..وصوَّت عليّه‏وينك يغايب
شفت المصايب
وأنه أدري يبني
اچفوفك گطيعه
× × ×
يا غصن المودَّه المنگطع فرعه
ويا ماي الدليل الّي نضب نبعه
صُفت عشرتنه مثل الخيط والشمعه
وذبنه بالوفه للطاهره البضعه
اكتبتو ابدماكم..عهد الوديعه‏اتعبت ابرباكم..لجل الشفيعه‏اوفيت الزچيه
او حامي‏الحميه
وأنه أدري يبني
اچفوفك گطيعه
× × ×
سهم الّي طفه عينك يضيّ العين
طفه عيني ييمَّه لا سهم وثنين
حِنه ظهري‏وهدم حيلي مصاب حسين
واملنه ضاع تالي ابگطعة الچفين
گضيت الأيّام..بعدك غريبه‏اَلطُم على الهام..من هالمصيبه‏اسكنت البوادي
انحب وانادي
وأنه أدري يبني
اچفوفك گطيعه
× × ×
اَعذرك والعذر يا باالفضل مقبول
ادري بيك يوليدي أشتريد اتگول
چفّينك گطيعه اشلون ليّه اتصول
غيور ادري لچنّك حته لو مچتول
وينك يبنها..گوم وحَظُرهاغَمض جفنها..واِحفر گبرهاگلبي ابمصابه
يشرح عذابه
وأنه أدري يبني
اچفوفك گطيعه


ولدي أباالفضل
أرويلك أخباري
دمع الحزن جاري
ريتك عَدل
يابالفضل
دمع الحزن‏جاري × × ×
كل أُم يبني تتمنّه
حين الموت يلفيها
ابنها بأخر الأنفاس
يحظر يسبل اديها
يغمّض عينها اِتريده
ودمعته اعليها يجريها
الگبرها تالي يحملها
او يچفنها او يواريها
وبأخر الأنفاس
أتمنّه يا عباس
ليّه تِصِل
يابالفضل
دمع الحزن‏جاري × × ×
وآنه أُمَّك يبو فاضل
خلص بالنايبه عمري
يا ما ليلي ساهرته
الشيبي ردتك وكُبري
تغسلني ردت بيدك
وتنزّل جثتي اِبگبري
تنتيك يبني يا عباس
او يريت ابحالتي تدري
وينك يبوالغيره
هاي أُمّك ابحيره
دمعي يِهِل
يابالفضل
دمع الحزن‏جاري × × ×
سِكنت البيد من بعدك
ولا آني سكنت ابدار
لا ليلي بعدكم ليل
يبني ولا نهاري اِنهار
بعد احسين يا عباس
مبناي انهدم وانهار
بنيت اگبور يبني اِلكم
وبگيت انعه ابدمع‏مدرار
يابالفضل يبني
اوليدك يناشدني
وحته الطفل
يابالفضل
دمع الحزن‏جاري × × ×
چن أسمع يجاوبها
ويگلها يُمه اِعذريني
اِشلون اَگطع فيافي البيد
وسهم النايبه اِبعيني
واحفر گبرچ ابيا اِيد
ولا يسراي او يميني
تگلّه نام واِتهنّه
بالهم وحدي خليني
ردتك تغسلني
والگبري تحملني
من اَرتحل
يابالفضل
دمع الحزن‏جاري × × ×
ادري بالقَدَر أَصبح
بيني حايل او بينك
واعذرك لو گلت يبني
السهم متفرس ابعينك
ابيا چف يبني تدفّني
وگطعو ادري چفّينك
اعذرك أنه لو ما جيت
وِفِيتْ ابدمك الدينك
من خُمدت انفاسك
وصاب العَمَد راسك
لا مو سَهل
يابالفضل
دمع الحزن‏جاري × × ×
يا ريتك عدل وتشوف
يا عباس حال أُمّك
عن السانها ما طاح
الأخير أَنفاسها أسمك
وعن اِعيونها ما غاب
لحظه يلولد رسمك
ابكل شدّه يبو فاضل
تِنِدبك هيّه وتحشمك
مشدوها أَفكاري
وحشه بگت داري
ما تنحمل
يابالفضل
دمع الحزن‏جاري × × ×
على اجبين الدهر كتبت
عهدها ابدم ضحاياها
للزهره وعلي وحسين
ما گصّرت حاشاها
هاي ام البنين الّي
ما خاب التعنّاها
چريمه وباسطه الچفين
واِتوافي الوفه اوياها
حلّفها بالچفين
وبنحر ابنها حسين
كل هم يفَل
يابالفضل
دمع الحزن‏جاري


الشاعر الأديب خادم الزهراء السيد سعيد الصافي

أُمّ الوفاء
آنه امكم واْطلبكم
حگ الوفه اوياي
يا من توافون
ما ظن تگصرون
حگ الوفه اوياي
× × ×
يا خصله عن ام البنين اكتبها
اتخاطب علي‏ابدمعة وفه‏التسچبها
اتريده ابأسمها بعد ما يندبها
ومن الاولاد الاربعه مطلبها
نادتهم وخبرتهم
اشعدها من راي
صاحت تسمعون
ما ظن تگصرون
حگ الوفه اوياي
× × ×
اعتب ومن حگّي العتب ويّاكم
يولادي واْتلفت العمر برباكم
اطلبكم ابدر الوفه الغذّاكم
يهل الشيم امكم واْريد انخاكم
وافوني وجازوني
وتذكّروا ارباي
واْدري تذكرون
ما ظن تگصرون
حگ الوفه اوياي
× × ×
يلمن صلب حيدر علي منبعكم
او ثدي الوفه يهل الشيم راضعكم
ردّوا الجواب اعليّه خل اسمعكم
ابگه ابأمل لو عالاثر اتبعكم
انخاكم واْتناكم
واْنشد امن الجاي
واتلگّه الظعون
ما ظن تگصرون
حگ الوفه اوياي
× × ×
اتلگّه الظعون التجي واْنشدها
وآخذ خبر يهل الوفه من عدها
شبّان اليّه وحيدره والدها
گصّرت لو ابدت وفه ابموعدها
اتفگّد واْتنشّد
عنكم يرجواي
يا نور العيون
ما ظن تگصرون
حگ الوفه اوياي
وصّاني ابوكم وظن عدكم معلوم
الوالد ذخر رايدكم الهذا اليوم
اتعينون اخوكم لمّن اتحيطه الگوم
وراعي اللوه بدر العشيره‏الجيدوم
همّتكم وساعتكم
يوم الشدد هاي
الكربله‏اتگصدون
ما ظن تگصرون
حگ الوفه اوياي
× × ×
هذا اخوكم يخوته اتعرفونه
مهجة الهادي ابدمكم اتحامونه
وحگ الربه لو ردتوا اتوافونه
وجه امكم ابموقفكم اتبيضونه
واْتبشّر بالمحشر
اكتابي ابيمناي
لمّن تضحّون
ما ظن تگصرون
حگ الربه اوياي
× × ×
وهاي‏العقيله‏ام الخدر يخوتها
بالنسه محّد وصلت الهيبتها
منهو اللي بيكم يلتزم ناگتها
او طول الدرب ينشد على حالتها
چافلها وعون الها
البالعهد وفّاي
وبزوده تدرون
ما ظن تگصرون
حگ الربه اوياي


أُم البنين‏عليها السلام مع الحسين‏عليه السلام
ريّض يحادي
ريّض يحادي
لا تسرع ابممشاك
يالخذت روحي اوياك
ريّض‏يحادي × × ×
ام البنين ابيوم طلعت تودع حسين
صاحت اخذني اوياك يبني وينور العين
يالطالع ابهاللّيل هذا السفر لاوين
يبني الگلب ملچوم او لوّعني غدر البين
غادر زماني
غادر زماني
لو رحت وين الگاك
يالخذت روحي اوياك
ريّض‏يحادي × × ×
يبني الزمان اوياي ما انصف ابيوم
بالحزن واللّوعات گابلني ويحوم
او صار الگلب يحسين مكور للهموم
لو ردت عنّي اتروح وما ترجع اعلوم
اگطع اظنوني
اگطع اظنوني
لو يبني اظل برجاك
يالخذت روحي اوياك
ريّض‏يحادي × × ×
يالناوي عنّي اتروح او تتركني بالدار
مدري شيريد ايگول يبني الگلب محتار
لگعد وأجيم النوح عالدرب ليل انهار
ومن اليجي ويروح انشد على الاخبار
يلرحت عنّي
يلرحت عنّي
بلچن تعود اتناك
يالخذت روحي اوياك
ريّض‏يحادي × × ×
صاحت يبعد الروح يوليدي يا عباس
امّك واْريد ارباي يا رفعة الراس
وبالضيج اعرفك زين صاحب وفه‏ونوماس
ابيمنتك شفت‏السيف وشفت‏الدرع‏والطاس
امّن دليلي
امّن دليلي
حسين الاخو بحماك
يالخذت روحي اوياك
ريّض‏يحادي × × ×
ذوله اخوتك ويّاك يابو الوفه يروحون
لاْم الحسن وحسين اردنكم اتوافون
الظعن الاخو مريود طول الدرب يبرون
او لو غمض جفن حسين اردنكم‏اتسهرون
وشراد اخوكم
وشراد اخوكم
گلّوله عد عيناك
يالخذت روحي اوياك
ريّض‏يحادي × × ×
والظعن يا عبّاس انتَ چفيله
وزينب امأمنه اوياك هاي العقيله
امكم دمه امن العين دمع التسيله
او لو ردتوا اتغيبون غيبه طويله
اذكر حناني
اذكر حناني
يا باالفضل ورباك
يالخذت روحي اوياك
ريّض‏يحادي × × ×
يبني واخوك حسين بالك تعوفه
وطف كربله لو چان صفّت اچفوفه
وللحرب يا عباس شبچت اسيوفه
وبالحومه اخوك اوحيد عينك تشوفه
تفديله نحرك
تفديله نحرك
ويسارك ويمناك
يالخذت روحي اوياك
ريّض‏يحادي

يا أُمّ البنين
ودّعته
ودّعته
ويّه الظعن دلّالي
او ودعت كل آمالي
او ظلّيت اعد الجيته
وغصبن علي ودعته
× × ×
يا دهر يالمنّك سبب آلامي
انت الذي صوّبت گلبي الدامي
شبّيت راسي وبدّدت احلامي
بالحزن والدمعه گضيت أيّامي
ما شفته
ما شفته
ويّايه انصف دهري
شفت العذاب ابعمري
وغير القهر ما شفته
وغصبن علي ودعته
× × ×
صبّت عَلَيّ همها وحزنها الاقدار
اوّل سهم ما شفت مثله او لا صار
لليوم من عنده ابدليلي آثار
من صاب ابن ملجم علي حامي الجار
ضيّعته
ضيّعته
خدري الچنت‏اتمنّاه
والأگضي‏كل‏عمري‏اوياه
حيدر علي ضيّعته
وغصبن عليّ ودعته
× × ×
ام البنين الفاجده اتعرفوني
لو نحت طول الدهر لتلوموني
سهم الطشت ثاني سهم صابوني
الچبد ابو محمّد گمت اصد بعيوني
گلّبته
گلّبته
چبد ابومحمد بيدي
اونحت‏وصحت‏يوليدي
چبدك انه الگلّبته
وغصبن عليّ ودعته
× × ×
من بعد ضيمي وهالمصايب كلها
گلت اصبر او آلامي اتحمّلها
والدنيه تنصح بلچن اتأمّلها
واْعظامي فگد حسين هوَّ السلها
فارگته
فارگته
واعله الدرب تانيته
سالم يرد ظنّيته
او ايّست من فارگته
وغصبن عليّ ودعته
× × ×
صاحت يهونك واْتنه يا حادي البين
بحبابي تحدي الياكتر رايح وين
روحي‏سرت يالحادي‏وي‏ظعن‏حسين
والجيّته عالدرب مشبوحه العين
ما نمته
ما نمته
ليل الهجر شيّبني
او حادي الظعن عذّبني
ويّه السهر ما نمته
وغصبن عليّ ودعته
× × ×
عبّاس يا ذخري الچنت اترجّاك
اليوم الشدايد غايتي اتمنّاك
زينب امانه او سلّمتها ابيمناك
ذوله اخوتك عبّاس اخذهم ويّاك
سلّمته
سلّمته
يا باالفضل ماي العين
والگلب والروح حسين
عند اخوته سلّمته
وغصبن عليّ ودعته
× × ×



موشّح في أُم البنين‏عليها السلام
يالتناشد عالوفه ورايد جواب
من وفه ام عبّاس يتألفّ كتاب
× × ×
بالوفه ينبض گلبها ابكل وكت
وعلى حسين ادموعها من دم‏تكت
وراح اخبرك بعد يا من ناشدت
اشطالبت من ودّعت اربع شباب
× × ×
اتصيح يهل الشيم واْهل المعرفه
والشجاعه اتميّزت عدكم صفه
هذا يوم البيه مريود الوفه
اليوم دون حسين تفدون الرگاب
× × ×
هذا اخوكم تاج الكم يخوته
وفرض من اللَّه عليكم طاعته
اليوم ابوكم هاي چانت رادته
يا زلم يلمن صلب داحي الباب
× × ×
تعرف الوادم صلب عقد الوله
ايخلّف اهل الزود واْهل المرجله
وخلها تشهد عن عزمكم كربله
او خلوا دم الگوم يوصل للرچاب
× × ×
يالرباكم راس امكم شيّبه
المثل هذا اليوم چنت امحسّبه
بالوفه جازوني ابحگ الربه
ابوجه ابيض ارد الاگي ام الاطياب
× × ×
يا گمر هاشم يبن حامي الحمه
انت ساجي‏اطفال‏اخوك امن‏الظمه
وباچر اتجازيك امهم فاطمه
اتطالب ابچفّينك ابيوم الحساب
مملوك الحسين غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
أم البنين, رثاء أم البنين, قصائد شعرية, قصائد في أم البنين


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهة
الموضوع كاتب الموضوع المنتدى مشاركات آخر مشاركة
قصائد شعرية في رثاء ام البنين قريض وشعبي01 مملوك الحسين منبر الأدب الحسيني 1 13/10/2009 08:21 AM
قصائد شعرية في رثاء ام البنين عليها السلام قريض وشعبي 02 مملوك الحسين منبر الأدب الحسيني 0 12/10/2009 04:26 PM
قصائد لذكرى وفاة السيدة زينب (عليها السلام) النفس المطمئنة منبر الأدب الحسيني 0 10/07/2009 06:45 AM


جميع الحقوق محفوظة لـ: شركة جنة الحسين (عليه السلام) للإنتاج الفني
يسمح بالنسخ والاقتباس والاستفادة من هذه الشبكة بشكل عام، على شرط ذكر إسم الكاتب والمصدر!
جميع المواد المنشورة تعبر عن رأي كتابها فقط، ولا تتحمل الشبكة مسؤولية ما يطرح!

الساعة الآن: 12:23 AM بتوقيت كربلاء المقدسة

Powered by vBulletin © 2000 - 2014
شبكة جنة الحسين (عليه السلام) الحسينية التخصصية © 1434 هـ